११ माघ, काठमाडौं। साताको तेस्रो शेयर बजार घटेर बन्द भएको छ । मंगलबार शेयर कारोबार मापक नेप्से परिसूचकसँगै कारोबार रकम समेत घटेको छ ।
नेप्से परिसूचक ५ दशमलव ९२ अंकले घटेर २ हजार ८ सय १४ दशमलव ७४ अंकमा झरेको छ । यस अघि सोमबार पनि नेप्से परिसूचक सय अंकले घटेको थियो ।
उता शेयर कारोबार रकम पनि सोमबारको तुलनामा मंगलबार ३ अर्ब भन्दा धेरैले घटेको छ । ९७ लाख ८४ हजार ६ सय ५१ कित्ता शेयर किनबेच हुँदा कारोबार रकम ५ अर्ब ३९ करोड ५६ लाख ७२ हजार ६ सय २७ रुपैयाँमा रोकियो । सोमबार साढे आठ अर्ब माथिको शेयर कारोबार भएको थियो ।
बजार घटे पनि केही कम्पनीहरुको शेयरमूल्य भने राम्रै बढेको छ । सबैभन्दा धेरै बढ्नेमा विन नेपाल लघुवित्त वित्तीय स।स्था देखिएको छ । यस संस्थाको शेयरमूल्य मंगलबार १० प्रतिशतले बढेर ११०६ रुपैयाँमा पुगेको छ ।
दोस्रोमा बुद्धभूमि हाइड्रोपावर र तेस्रोमा पोखरा फाइनान्स कम्पनी देखिएको छ । बुद्धभूमिको शेयर मूल्य पनि करिब १० प्रतिशतल बढेर ४२१।१० मा पुगेको छ भने पोखरा फाइनान्सको ८ प्रतिशतले बढेर ५८८।९० रुपैयाँमा पुगेको छ ।
उता शेयर मूल्य घट्ने कम्पनीहरुमा भने गोर्खाज फाइनान्स, समता लघुवित्त, समिट लघुवित्त, चन्दागिरी हिल्स लगायतका देखिएका छन् ।
गोर्खाजको शेयरमूल्य ४।५८ प्रतिशतले घटेर ८ सय रुपैयाँमा झरेको छ भने समिटको ३ प्रतिशतले घटेर १२१८ रुपैयाँ र समताको पनि ३ प्रतिशतले नै घटेर १२१६ रुपैयाँमा झरेको छ । चन्दागिरीको शेयर मूल्य भने ३९ रुपैयाँले घटेर १३८८ रुपैयाँमा झरेको छ ।
