२ फागुन, काठमाडौं । आजको मौसम केही भागमा हिमपात र वर्षा केही भागमा सामान्य रहने मौसम पूर्वानुमान महाशाखाले आजको मौसम पूर्वानुमान जारी गरेको छ ।
महाशाखाले आज देशभर पश्चिमी वायुको प्रभाव रहेको जनाएको छ ।
पश्चिमी वायुको प्रभावका कारण हाल देशको सुदूरपश्चिम प्रदेश, कर्णाली प्रदेश, लुम्बिनी प्रदेश, बागमती प्रदेश र प्रदेश १ का केही भूभागमा आंशिकदेखि सामान्य बदली भइरहेको छ ।
यसैगरी, अन्य पहाडी भूभागहरुमा आंशिक बदली रहेको छ भने बांकी भुभागमा मौसम सामान्यतया सफा रहेको छ । तराईका केही भूभागमा हुस्सु र कुहिरो लागेको अवस्था छ ।
यस्तै, आज दिउंसो देशभर आंशिकदेखि सामान्य बदली रही उच्च पहाडी तथा हिमाली भूभागका थोरै स्थानमा हल्का हिमपात हुन सक्ने सम्भावना रहेको छ ।
त्यस्तै, देशका पहाडी भूभागका एक दुई स्थानमा भने हल्का बर्षा हुने सम्भावना रहेको छ ।
