१ फागुन, काठमाण्डौ । बलात्कारीलाई सार्वजनिक गर्न माग गर्दै काठमाडौंको माइतीघर मण्डलामा आज शनिबार प्रदर्शन भएको छ । आंखामा कालोपट्टी बांधेर विरोध प्रर्दशनमा उत्रिएका युवतीहरुले बलात्कारी र हत्याराहरुलाई सार्वजनिक गर्न र पीडितलाई न्याय दिन माग गर्दै नाराबाजी गरेका थिए ।
पद्मकन्या क्याम्पसबाट माइतीघरसम्म मार्चपास समेत उनीहरुले त्यहाँ केही समय धर्ना समेत दिएका थिए । सेतो लुगा लगाएर कपाल फिंजाएर ब्यानर सहित अग्रभागमा तीन जना महिलाले प्रतिकात्मक रुपमा विरोध प्रर्दशन गरेका थिए । उनीहरुको पछाडि मुखमा कालो टेप लगाएका युवतीहरु थिए ।
सोही बीचमा आँखंमा कालो पट्टी लगाएर युवतीहरुले महिला सुरक्षा, अपराधीलाई कारवाही र पीडीतलाई न्याय दिन माग गरिरहेका थिए । उनीहरुले तिम्रा कानुन चाहिंदैन छोरी मार्न पाईदैन, हत्यारालाई सार्वजनिक गर, बलात्कारीलाई फांसी दे जस्ता नाराबाजी गरेका थिए ।
मुलुकका विभिन्न स्थानमा बालिका बलात्कार र हत्यामा संलग्नको पहिचान र कारवाही नभएपछि त्यसको विरोधमा दोषीलाई कारवाही, पीडितलाई न्याय र बालिका तथा महिला सुरक्षाको प्रत्याभूति गर्न माग गदै काठमाडौमा दिनहुं प्रर्दशन भइरहेका छन् ।
