२३ काठमाडौं । आज देशभरका प्रयोगशालामा परीक्षण गर्दा पछिल्लो २४ घण्टामा थप १०५ जनामा कोरोना भाइरस (कोभिड १९) संक्रमण पुष्टि भएको छ ।
देशभरका प्रयोगशालामा २ हजार ७९९ जनाको नमुना परीक्षण गर्दा ४८ जना महिला र ५७ जना पुरुष गरी कुल १०५ जनामा संक्रमण पुष्टि भएको हो ।
यससँगै कुल संक्रमित संख्या २ लाख ७१ हजार ७०७ जना पुगेको छ । उनीहरु मध्ये २ लाख ६७ हजार ५६४ जना संक्रमणमुक्त भएका छन् भने कुल २०३५ जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।
हाल देशभर २ हजार १०८ जना सक्रिया संक्रमित रहेका छन् । जसमध्ये ७४३ जना होम आइसोलेसनमा, ६४ जना आईसीयूमा र १३ जना भेन्टिलेटरमा उपचार भइरहेको मन्त्रालयले जनाएको छ ।
