३ पुस, काठमाडौं । आज पार्टीको केन्द्रीय कार्यालय पेरिस डाडामा प्रचण्ड–माधव नेपाल समूहको भेलामा नेपाल कम्युनिष्ट पार्टी (नेकपा) का वरिष्ठ नेता झलनाथ खनालले पार्टी विधि र पद्दतिमा चले आफ्नो जित हुने बताएका छन् । नेता खनालले पार्टी एकीकरण भएबाटै विधि र पद्दतिमा चल्न छोडेको बताए ।
‘पार्टी एकता ऐतिहासिक काम थियो । हामी उत्साहित र खुशी भयौं । तर, एकतालाई व्यक्तिगत लाभका नाममा दुरुपयोग गर्ने प्रयत्न भयो’, खनालले भने । उनले पार्टी एकता एकीकरणको सुरुबाटै अध्यक्ष एवम् प्रधानमन्त्री केपी शर्मा ओलीले मनपरी गर्न थालेको बताए । बदमासी र मनपरीकै कारण अहिले पार्टीमा संकट देखिएको खनालको भनाइ थियो ।
अहिले व्यक्तिगत लाभका लागि राज्यसत्ताको चरम दुरुपयोग भएको उनले बताए । ओली पार्टी र सरकार दुवैतर्फ असफल भएकाले नयाँनयाँ संकट आउने गरेको खनालले टिप्पणी गरे । उनले अहिले पार्टीमा पदका लागि नभएर विधि र पद्दतिका लागि बहस भइरहेको बताए ।
‘कतिपयले पद पाउनु असन्तुष्टि भन्ने टिप्पणी गरेको सुन्छु । तर, त्यस्तो होइन । नेकपा विधि र पद्दतिमा हिडेँ हाम्रो जित हुनेछ’, खनालको भनाइ राखेका थिए ।
