२९ साउन, काठमाडौं । आज बिहीबार देशभरमा कोराना भाइरसका ५२५ जना संक्रमित थपिदा २ जनाको मृत्यु भएको छ ।
यो सँगै नेपालमा कुल संक्रमितको संख्या २४ हजार ९५७ पुगेको छ त्यसमा ९६ जनाको मृत्यु भएको छ भने १६ हजार ८३७ जना निको भएर घर गएका छन् ।
कोरोना संक्रमणबाट आज थप दुई जनाको मृत्यु
कोरोना भाइरस संक्रमणबाट आज धनुषाको मिथिला नगरपालिका–७ ढल्केबरकी ८५ वर्षीया महिलाको कोरोना संक्रमणबाट वीपी कोइराला स्वास्थ्य विज्ञान प्रतिष्ठान, धरानमा बुधबार राति मृत्यु भएको छ ।
त्यस्तै अछामको रामारोशन नगरपालिका–५ का १८ वर्षीय पुरुषको पाटन स्वास्थ्य विज्ञान प्रतिष्ठानमा मृत्यु भएको छ ।
यससँगै मृतकको संख्या ९६ पुगेको छ ।
आज कहाँ कति भेटिए संक्रमित ?
मन्त्रालयका अनुसार देशभरका ३८ वटा ल्याबमा ९ हजार ८५९ नमुना परीक्षण गर्दा काठमाडौं उपत्यकामा मात्र १२७ जना कोरोना संक्रमित भेटिएका छन् । उनीहरुमध्ये काठमाडौंमा १११, ललितपुरमा ११ र भक्तपुरमा ५ जना छन् ।
यस्तै मोरङका ८८, धनुषाका ५३, पर्साका ३९, मकवानपुरका २८, सर्लाहीका २६, रौतहटका २५, कविलवस्तुका २१, सुनसरी र महोत्तरीका २०–२० जना, रुपन्देहीका १२, चितवनका ११, बाँकेका १० र काभ्रेका ८ जनामा संक्रमण पुष्टि भएको छ ।
यसैगरी इलामका ४ जना, रामेछाप, प्युठान, कास्की, नवलपुर र बर्दियाका ३–३ जना, झापा, सिराहा, सिन्धुली र दाङका २–२ जना तथा उदयपुर, बारा, नुवाकोट, दोलखा, नवलपरासी, तनहुँ, पाल्पा, सुर्खेत, बैतडी र डोटीका १–१ मा कोरोना संक्रमण पुष्टि भएको स्वास्थ्य मन्त्रालयले जनाएको छ ।
