काठमाडौँ । भक्तपुरस्थित दुर्गा प्रसाईंको घरबाट पक्राउ गरिएका ९ जनालाई प्रहरीले मुद्दा चलाउने भएको छ । प्रसाईं नेतृत्वको राष्ट्र, राष्ट्रियता, धर्म, संस्कृति र नागरिक बचाउ महाअभियानमा आबद्ध ९ जनालाई मुद्दा चलाउने निर्णय गरिएको सीआईबीका एसपी होविन्द्र बोगटीले रातोपाटीलाई बताए ।
मङ्सिर ७ मा प्रसाईं नेतृत्वको समूहले काठमाडौँमा प्रदर्शन गर्ने तयारी गरेको छ । भड्काउपूर्ण आन्दोलन गर्न सक्ने आशंकमा प्रहरीले उनीहरूलाई पक्राउ गरेको हो । तर, प्रहरीले उनीहरूलाई प्रसाईंलाई पक्राउ गर्न खोज्दा प्रहरीको काममा अवरोध सिर्जना गरेको आरोप लगाएको छ । प्रधानमन्त्री केपी शर्मा ओली विरुद्ध दुष्प्रचार गरेको आरोपमा प्रसाईलाई सीआईबीले मङ्सिर ४ मा पक्राउ गरेको थियो ।
