२३ माघ, काठमाडौं । नेकपा ओली समूहले आज शुक्रबार नारायणहिटी दरबार अगाडि आमसभा गर्दैछ । उक्त समूहको बागमती प्रदेशले आयोजना गर्न लागेको आमसभामा प्रधानमन्त्री केपी शर्मा ओलीले पनि सम्बोधन गर्ने छन् ।
सभाका लागि दरबारमार्गको सडक बिहानै पानीले पखालिएको छ । सभामा आउनेहरूका लागि घुम्ती शौचालयको पनि व्यवस्था गरिएको छ ।
यसअघि हिजो दरबारमार्ग भएका डिभाइडर हटाइएको थियो ।
सभाअघि उक्त समूहले राजधानीका विभिन्न १६ स्थानबाट जुलुस निकाल्ने नेता महेश बस्नेतले जानकारी दिए । जुलुस सुरू हुन थालेको छ ।
